Suharekë, 17 shtator 2025 – Policia e Kosovës ka njoftuar për një rast të shkaktimit të rrezikut të përgjithshëm që ka ndodhur mbrëmjen e 16 shtatorit në fshatin Shirokë të Suharekës.
Sipas raportit 24 orësh të policisë, rreth orës 19:00 është pranuar informata për të shtëna me armë zjarri. Njësia policore ka dalë në vendin e ngjarjes dhe si prova janë gjetur tri gëzhoja.
Nga i dyshuari, i cili ishte identifikuar në vend, janë sekuestruar dy pistoleta, të cilat posedonin leje. Pas veprimeve hetimore dhe inicimit të rastit, me vendim të prokurorit kompetent, i dyshuari është liruar në procedurë të rregullt.
Hetimet rreth rastit po vazhdojnë.