Presidenti i Kosovës, Hashim Thaçi, pas takimit me kryeministrin, Avbdullah Hoti ka komentuar çështjen e dialogut në mes Kosovës dhe Serbisë.
Presidenti i Kosovës, Hashim Thaçi, në një konferencë për media pas takimit me kryeministrin e vendit, Avdullah Hotin, ka thënë që është jetike bashkëpunimi ndërinstitucional për temat me rëndësi jetike.
Thaçi ka thënë se nëse në dialog nuk janë Shtetet e Bashkuara të Amerikës atëherë nuk do të ketë njohje reciproke.
“E ritheksoj se jam i bindur se kudo që aty ku nuk janë SHBA-të nuk mund të ndodhë njohja reciproke. Andaj jetike për ne është që në tavolinë të jetë edhe SHBA, natyrisht edhe BE”, tha presidenti.
Thaçi ndër tjerash ka mirëpritur emërimin e Skender Hysenit si Koordinator Shtetëror për Dialogun, por që është interes i Kosovës që dialogu të mos vazhdojë në nivel teknik.
Përpos dialogut, Thaçi tha se me Hotin ka biseduar edhe për pakon ekonomike.
“Diskutuam edhe për pakon ekonomike”, ka thënë Thaçi. /Insajderi.com/
