Aktakuzë ndaj 63-vjeçarit për dhunim, dhunë në familje dhe armëmbajtje pa leje
Prokuroria Themelore në Pejë, Departamenti për Krime të Rënda, ka ngritur aktakuzë ndaj një 63-vjeçari me inicialet Xh.Sh., nën dyshimin për kryerjen e veprave penale “Dhunimi”, “Dhuna në familje” dhe “Mbajtja në pronësi, kontroll ose posedim të paautorizuar të armëve”.
Sipas dosjes së rastit, gruaja ka deklaruar se ishte mbajtur e izoluar në një dhomë, në kushte të rënda, për një periudhë rreth dymujore, nga fundi i dhjetorit 2025 deri më 23 shkurt 2026.
Ajo ka pretenduar se gjatë kësaj periudhe ishte përballur me dhunë fizike, psikologjike dhe seksuale, si dhe me kërcënime të vazhdueshme ndaj jetës së saj. Sipas dëshmisë së saj, veprimet dyshohet se janë kryer nën kërcënimin e armës dhe presionit të vazhdueshëm.
I pandehuri i ka kundërshtuar pretendimet gjatë deklarimit në polici, duke mohuar përshkrimin e ngjarjeve dhe duke deklaruar se vuan nga probleme shëndetësore. Ai gjithashtu ka mohuar përgjegjësinë për armën e gjetur, duke thënë se prona ku ndodhej ajo nuk ishte e tij.
Sipas të dhënave të përfshira në dosje, i akuzuari rezulton të ketë qenë i evidentuar edhe më herët nga organet e drejtësisë në raste të tjera.
Rasti tashmë pritet të trajtohet nga gjykata, ndërsa i akuzuari konsiderohet i pafajshëm derisa fajësia e tij të vërtetohet me vendim të formës së prerë.
Më shumë lajme
Nga kategori të ndryshme
Aktualitet
Qytetarja thotë se po përballet me presion pas publikimit për kushtet e tmerrshme në Pediatri
Shendetesi
Dyshime për helmim ushqimor në Prishtinë: 70 persona kërkuan ndihmë, 22 u hospitalizuan
Politike
“Shko Albin”: ish-këshilltari i Nagavcit i dërgon mesazh të ashpër Kurtit
Botërori 2026
Botërori 2026 hyn në fazën e zjarrtë: katër gjigantë arrijnë në gjysmëfinale
Rajon
Me dokumente të falsifikuara të Kosovës: arrestohet në Beograd i kërkuari nga INTERPOL-i
Shqipëri
Tragjedi në Mat: gjendet trupi i të riut që ra në lumë gjatë ngjitjes me litar