Alpinistja kosovare Uta Ibrahimi vazhdon të jetë një nga emrat më të respektuar të alpinizmit shqiptar dhe ndërkombëtar.
Këtë vjeshtë, ajo pritet të udhëheqë një ekspeditë të veçantë në Himalaje, të organizuar nga Seven Summit Treks, një prej kompanive më të njohura në botë për ekspedita malore.
Ekspedita është planifikuar të zhvillohet në dy faza. Faza e parë përfshin rrugëtimin drejt Everest Base Camp dhe ngjitjen në majën Lobuche, ndërsa faza e dytë synon ngjitjen në Ama Dablam, një prej majave më ikonike dhe sfiduese të Himalajeve.
Uta Ibrahimi ka bërë histori si alpiniste shqiptare, duke ngjitur të gjitha 14 majat mbi 8 mijë metra, një arritje që e ka vendosur në elitën botërore të këtij sporti.
Në këtë ekspeditë, pjesëmarrësit do të kenë mundësinë të përjetojnë Himalajet nën udhëheqjen e saj dhe me mbështetje profesionale logjistike.
Për Utën, rikthimi në Himalaje ka edhe kuptim personal, pasi ajo i ka përshkruar këto male si një vend ku kthehet jo vetëm për t’u ngjitur, por edhe për t’i udhëhequr të tjerët drejt ëndrrave të tyre.
Një tjetër sukses shqiptar në skenën botërore. Shpërndajeni këtë lajm pozitiv.
Burimi: Albinfo.ch
Më shumë lajme
Nga kategori të ndryshme
Diaspora
Nga Prizreni në Vjenë: Dr. Mefail Muji hap ordinancën e tij pulmologjike në Austri
Aktualitet
Vetaksident në sheshin e Suharekës pas natës së parë të Karnavalit Golden Eagle
Suhareka
Guri i Dellocit dhe Bjeshka e Bukoshit, pasuria malore e Suharekës që pret më shumë vëmendje
Kulturë
Kori “Okarina” çon zërin e Kosovës në skenat e Gjermanisë
Sporti
Goditje për Spanjën në Botëror: lëndohen Nico Williams dhe Yeremy Pino
Ekonomi
20 vjet Vali Ranch: nga investim i diasporës në destinacion turistik në Kosovë