Operatori mobil VALA ka njoftuar përdoruesit se më 16 nëntor 2025 do të realizohen punime të planifikuara në rrjet, me qëllim përmirësimin e cilësisë së shërbimeve.
Sipas njoftimit të dërguar për konsumatorët, gjatë kohës së punimeve mund të ketë raste kur pajisjet e përdoruesve nuk lidhen menjëherë në rrjet. Në këto situata, VALA këshillon përdoruesit të bëjnë restart të pajisjes ose ta fikojnë dhe ta ndezin sërish (Power OFF/ON).
Për çdo asistencë, qytetarët mund të kontaktojnë qendrën e thirrjeve në numrin 0800 10000.
Operatori falënderon konsumatorët për mirëkuptimin gjatë kryerjes së punimeve teknike.