Në moshën 75-vjeçare, ka vdekur Ali Sadriu, ish-ministër i Financave dhe ish-drejtor ekzekutiv i Qendër Klinike universitare të Kosovës (QKUK).
Lajmin për vdekjen e tij e ka konfirmuar familja e tij e ngushtë.
“Me pikëllim të thellë ju njoftojmë se sot ndërroi jetë babai ynë i dashur, Ali Shaban Sadriu. Për detajet e varrimit do t’ju njoftojmë me kohë”, ka shkruar në Facebook i biri i tij, Flamur Sadriu.
Ali Sadriu ka qenë edhe deputet nga radhët e LDK-së në disa legjislatura.
Sipas biografisë së ai ka qenë “Bashkëdrejtues i Autoritetit Qendror Fiskal (2000–2002), deputet i Kuvendit të Kosovës në Legjislaturën e Parë (17.11.2001 – 23.11.2004), ministër në Qeverinë e parë të pasluftës, në Ministrinë e Ekonomisë dhe Financave (2002–2004) … deputet i Kuvendit të Kosovës në Legjislaturën e Dytë (23.11.2004 – 12.12.2007), deputet i Kuvendit të Kosovës në Legjislaturën e Katërt (21.02.2011 – 07.05.2014) deputet i Kuvendit të Kosovës në Legjislaturën e Pestë (17.07.2014 – 10.05.2017)”