Doberdolan, Suharekë – 22 Nëntor 2024, ora 18:15
Një aksident i rëndë trafiku ka ndodhur mbrëmjen e së premtes në fshatin Doberdolan, ku një grua kosovare, duke drejtuar veturën nga pakujdesia, ka shkaktuar vetaksident.
Si rezultat, shoferja dhe pesë pasagjerë kanë pësuar lëndime trupore. Fatkeqësisht, njëri nga pasagjerët, i cili u dërgua me urgjencë në Qendrën Klinike Universitare të Kosovës (QKUK), nuk arriti t’u mbijetojë plagëve dhe ndërroi jetë.
Pasagjerët e tjerë, të cilët u trajtuan në Spitalin e Prizrenit, janë liruar pas marrjes së ndihmës mjekësore.
Sipas Policisë së Kosovës, me vendim të Prokurorit të Shtetit, trupi i pajetë i viktimës është dërguar në Institutin e Mjekësisë Ligjore për obduksion. Hetimet për të zbardhur detajet dhe rrethanat e aksidentit janë në vazhdim.
Ngjarja ka prekur thellë komunitetin lokal, duke lënë një ndjenjë të rëndë pikëllimi.
Suhareka Express do të vijojë të ju mbajë të informuar për zhvillimet e mëtejshme lidhur me këtë tragjedi.