Një aksident tragjik ka ndodhur në rrugën “Aziz Tolaj” në Prizren, ku një person ka humbur jetën pasi është vetaksidentuar gjatë ngasjes së biçikletës elektrike.
Sipas njoftimit të Policisë së Kosovës, viktima – një mashkull kosovar – ka humbur kontrollin mbi biçikletën, duke pësuar lëndime të rënda që i kanë rezultuar fatale.
“Ka ndodhur një vetaksident trafiku ku viktima mashkull kosovar, derisa ishte duke ngarë biçikletën elektrike, është vetaksidentuar dhe si pasojë ka humbur jetën. Me vendim të prokurorit, trupi i pajetë është dërguar në IML për obduksion. Rasti është duke u hetuar,” thuhet në raportin zyrtar të policisë.
Autoritetet kanë nisur hetimet për të sqaruar rrethanat e sakta të ngjarjes, ndërsa bëjnë apel që përdoruesit e biçikletave elektrike të jenë më të kujdesshëm dhe të përdorin pajisjet e nevojshme mbrojtëse gjatë qarkullimit.