Një aksident trafiku ka ndodhur sot në autostradën Prizren – Vërmicë, si pasojë e të cilit dyshohet se ka edhe persona të lënduar, raporton Gazeta Sinjali.
Sipas informacioneve të para, bëhet fjalë për një vetaksident.
Në vendin e ngjarjes kanë dalë njësitet policore të cilët kanë ndërmarrë të gjitha veprimet e nevojshme në lidhje me rastin.
Ndërkaq, në lokacionin ku ka ndodhur aksidenti kanë dalë edhe ekipet emergjencës, për t’iu dhënë ndihmën e parë personave të lënduar.
Sinjali ka kontaktuar Policinë e Kosovës për t’u informuar në lidhje me detajet e rastit dhe është në pritje të përgjigjes.