Këshilli Federal ka vendosur të lërë të pandryshuara kuotat e vendeve të treta.
Këshilli Federal ishte konsultuar me partnerët socialë dhe kantonet përpara se të merrte vendimin të mërkurën. Në vitin 2024, deri në 8500 specialistë të kualifikuar mund të rekrutohen sërish jashtë BE-së dhe EFTA-s: 4500 me leje qëndrimi B dhe 4000 me leje qëndrimi afatshkurtër L, raporton Sëissinfo.
Vitet e fundit kuotat nuk janë shfrytëzuar plotësisht, shkruan Sekretariati Shtetëror për Migracionin (SEM). Në fund të tetorit 2023, ishin përdorur 68% e lejeve të qëndrimit B për shtetasit e vendeve të treta të punësuar dhe 65% e lejeve L për qëndrim të shkurtër.
Kuotat për ofruesit e shërbimeve nga BE dhe EFTA gjithashtu mbeten të pandryshuara. E pandryshuar do të vazhdojë edhe kuota speciale për të punësuarit nga Mbretëria e Bashkuar.