Rastet e ngacmimeve nuk janë të rralla as në institucionet publike në Kosovë, shkruan Gazeta Sinjali.
Një ngjarje e tillë, Sinjali mëson nga burimet brenda Prokurorisë Themelore në Prishtinë, se ka ndodhur pikërisht në këtë institucion.
Sipas këtyre burimeve një administratore e Prokurorisë Themelore në Prishtinë e ka denoncuar një rast të ngacmimit në Policinë e Kosovës.
E njëjta ka deklaruar se është ngacmuar përmes emailave dhe mesazheve nga një zyrtare tjetër e kësaj Prokurorie.
Siç merr vesh Sinjali ngjarja dyshohet të ketë ndodhur në orët e mëngjesit, të ditës së djeshme.
Rasti në Polici është iniciuar si “ngacmim”.