Franca ka vazhduar me formë të lartë në Botëror, duke mposhtur Norvegjinë me rezultat 4-1 në ndeshjen e fundit të grupit.
Përveç rezultatit bindës, vëmendjen e mori edhe një moment i Kylian Mbappes gjatë zëvendësimit të tij, kur shiriti i kapitenit u bë temë diskutimi në rrjete sociale.
Sipas pamjeve që po qarkullojnë, Mbappe ia dorëzoi shiritin gjyqtarit, që më pas ai t’i kalonte bashkëlojtarit Aurelien Tchouameni. Ky veprim u komentua gjerësisht nga tifozët dhe u bë shpejt viral.
Nuk ka ndonjë konfirmim se mes lojtarëve ka pasur tension, por situata u përdor menjëherë nga rrjetet sociale për shaka dhe komente rreth rolit të Mbappes në kombëtaren franceze.
Franca pritet të vazhdojë rrugëtimin në fazën tjetër, ku do të përballet me Suedinë, ndërsa presioni dhe vëmendja ndaj yjeve të saj vetëm sa po rriten.
A mendoni se ky moment u ekzagjerua nga rrjetet sociale? Komentoni në Facebook.
Burimi: Indeksonline