Kryetari i Degës së LDK-së në Prizren, Driton Selmanaj, ka demantuar një raportim të publikuar në portalin Indeksonline, ku pretendohej për zhvillime të vonshme brenda degës së LDK-së në Prizren lidhur me qëndrimin e tij ndaj kryetarit Lumir Abdixhiku.
Përmes një reagimi publik, Selmanaj ka thënë se nuk ka pasur asnjë thirrje apo kërkesë për mbledhje të kryesisë së degës lidhur me pretendimet e ngritura në artikull.
“Si kryetar i Degës, ju njoftoj me përgjegjësi të plotë se asnjë thirrje dhe asnjë kërkesë nuk kemi pasur për mbledhje të kryesisë së degës lidhur me pretendimet e ngritura në këtë artikull”, ka deklaruar Selmanaj.
Ai e ka cilësuar raportimin si të pavërtetë dhe tendencioz, duke thënë se synon të krijojë konfuzion dhe përçarje artificiale brenda strukturave të LDK-së në Prizren.
Selmanaj ka theksuar se dega e LDK-së në Prizren mbetet e bashkuar dhe në koordinim të plotë mes strukturave të saj.
“LDK në Prizren mbetet plotësisht e bashkuar dhe në koordinim të plotë me njëri-tjetrin”, ka shkruar ai.
Në reagimin e tij, Selmanaj u ka bërë thirrje mediave dhe gazetarëve që të verifikojnë informacionet para publikimit, duke thënë se zyrat e degës mbeten të hapura për çdo konfirmim zyrtar.
Më shumë lajme
Nga kategori të ndryshme
Diaspora
Nga Prizreni në Vjenë: Dr. Mefail Muji hap ordinancën e tij pulmologjike në Austri
Aktualitet
Vetaksident në sheshin e Suharekës pas natës së parë të Karnavalit Golden Eagle
Suhareka
Guri i Dellocit dhe Bjeshka e Bukoshit, pasuria malore e Suharekës që pret më shumë vëmendje
Sporti
Uta Ibrahimi në krye të një ekspedite të veçantë në Himalaje
Kulturë
Kori “Okarina” çon zërin e Kosovës në skenat e Gjermanisë
Ekonomi
20 vjet Vali Ranch: nga investim i diasporës në destinacion turistik në Kosovë