Kryetari i komunës Bali Muharremaj, është treguar mjaft bujar me veprimin e tij të fundit.
Ai në facebook ka shkruar, se maturantët të cilët skanë mundësi të paguajnë për mbrëmjen e maturës, t’i shkruajnë kryetarit privatisht dhe shpenzimet do t’i mbuloj kryetari nga gjepi i tij.
Ja postimi i plotë nga Muharremaj:
“Këto ditë organizohet Mbrëmja e Maturës, dhe secili prej tyre ka dëshirë të jetë prezent me shokët dhe shoqet e klasës.
Mirëpo, ka nga ata të cilët nuk mund të jenë prezent për shkaqe financiare.
Unë jam i gatshëm, që nga rroga ime të ndaj një pjesë për ata që kanë nevojë ta paguajnë pjesën e tyre për pjesëmarrje në Mbrëmjen e Matures.
Më shkruani privatisht, se cili shok apo shoqe e juaja ka nevojë.
Poashtu i lus nxënësit, prindërit e të cilëve qëndrojnë mirë financiarisht, që ti ndihmojnë shoqet dhe shokët e tyre.
Askush nuk duhet të mungojë në mbrëmjen e matures për arsye financiare.“
