Gjinoc, Suharekë – Sot, banorët e fshatit Gjinoc dhe fshatrave përreth kanë marrë një lajm të gëzueshëm: inaugurimin e Qendrës së re të Mjekësisë Familjare (QMF).
Objekti i ri shëndetësor, i ndërtuar sipas standardeve moderne, do të ofrojë kushte shumë më të mira për pacientët dhe për stafin mjekësor që do të punojë aty. Ky investim ka për qëllim përmirësimin e cilësisë së shërbimeve shëndetësore në këtë zonë dhe lehtësimin e qasjes së qytetarëve ndaj kujdesit mjekësor.
I pranishëm në këtë inaugurim ka qenë edhe Sali Asllanaj, ish-kryetar i Komunës së Suharekës dhe aktualisht mjek në QMF Gjinoc, i cili uroi qytetarët për objektin e ri:
“Urime qytetarëve të fshatit Gjinoc dhe fshatrave përreth për këtë objekt shëndetësor të ri dhe modern. Stafi i QMF në Gjinoc do të ketë kushte më të mira për punë dhe shërbim ndaj pacientëve.”
Në ceremoni mori pjesë edhe kryetari aktual i Komunës, Bali Muharremaj, i cili u pa i lumtur për këtë investim, duke e cilësuar atë si një projekt shumë të nevojshëm për banorët e kësaj ane.
Banorët e zonës e kanë pritur me entuziazëm këtë hap, duke theksuar se QMF-ja e re është një nevojë e hershme, veçanërisht për shërbimet emergjente dhe ato parandaluese.
Me hapjen e kësaj qendre, pritet që shërbimet mjekësore të jenë më të shpejta, më efikase dhe më afër qytetarëve, duke kontribuar në rritjen e cilësisë së jetës për të gjithë komunitetin.
Më shumë lajme
Nga kategori të ndryshme
Lajme
Policia jep detaje për tragjedinë në Shëngjin: Dy pushues nga Kosova humbën jetën, tre po marrin trajtim mjekësor
Politike
Këto ishin rezultatet e zgjedhjeve parlamentare të 28 dhjetorit 2025 në Komunën e Suharekës
Ekonomi
Shahini kritikon kufizimin e ATK-së për pagesat kesh mbi dy mijë euro: tregon kush goditet më shumë
Politike
Blerim Kuçi prezanton platformën e tij politike, fton qytetarët të njihen me vizionin e tij
Politike
Abdixhiku nga Rahoveci: LDK po vjen me projekte, jo me propagandë
Politike
Bedri Hamza: Gratë janë forca e ndryshimit