Asamblisti i Lidhjes Demokratike të Kosovës (LDK) në Suharekë, Selman Kolgeci, ka shprehur mirënjohjen dhe përkrahjen e tij për paraqitjen e kandidatit për kryetar të Komunës së Suharekës, dr. Ardian Shala, në debatin e mbrëmshëm.
Kolgeci ka vlerësuar qasjen e Shalës si dinjitoze, të matur dhe të mbështetur në program konkret, duke theksuar se ky nivel i debatit është ai që i bën krenarë qytetarët.
“Faleminderit kryetar Shala për nivelin e debatit, për përgjigj’jet e sakta, për shpalosjen e qartë të programit tonë qeverisës dhe për qëndrimin dinjitoz ndaj akuzave të pabaza nga disa kundërkandidat. Mbrëmë dhe jo vetëm mbrëmë na keni bërë krenarë me maturi në paraqitje, e me kualitetin e debatit”, ka shkruar ai.
Në mesin e projekteve që Shala shpalosi në debat janë: furnizimi me ujë të pijshëm, arsimi tërëditor fillimisht në 5 shkolla, përfundimi i unazave të qytetit, subvencionim i mirëfilltë në bujqësi, përfundimi i shkollave të mbetura në gjysmë, qyteti i mençur dhe i sigurt, infrastruktura rrugore, ndriçimi publik dhe kanalizimi, projekti ambicioz “Bjeshka dhe Qyteti” si dhe rishikimi i hartës zonale komunale.
Kolgeci ka theksuar se disa kundërkandidat nuk ofruan program të qartë, por tentuan të dështojnë debatin me fjalë të kota. Ai ka shtuar se marrëveshjet e tyre për bashkëqeverisje kanë rezultuar në keqqeverisje.
Ndërkohë, ai kritikoi kryetarin aktual Bali Muharremaj, duke thënë se për tetë vite nuk ka arritur të zgjidhë problemet elementare si: mungesa e ujit të pijshëm, kanalizimet, ndriçimi publik, vendvarrezat në Vraniq, shkollat moderne e komode për nxënësit dhe infrastruktura cilësore.
Asamblisti e përmbylli reagimin e tij me një mesazh të qartë përkrahës:
“Na prij kryetar Shala, ti i pari – ne pas teje!” ✌️
