Kryetari i Degës së LDK-së në Suharekë dhe anëtari i Kryesisë së LDK-së Ardian Shala ka reaguar ndaj disa vlerësimeve që po bëhen pas rezultatit të fundit zgjedhor, ku është kërkuar dorëheqja e kryetarit të partisë, Lumir Abdixhiku.
Ai ka thënë se LDK-ja duhet t’i qëndrojë besnike traditës së saj të maturisë politike dhe të mos marrë vendime të nxituara nën ndikimin e emocioneve të momentit.
Sipas tij, Kosova ka kaluar nëpër tri procese zgjedhore nacionale brenda vetëm 16 muajve dhe aktualisht ndodhet në një krizë institucionale, prandaj çdo veprim i pamatur mund të thellojë paqëndrueshmërinë politike.
“LDK-ja gjithmonë është dalluar për përgjegjësi shtetërore. Shpeshherë ka sakrifikuar edhe rritjen e vet politike për t’i dhënë Kosovës institucione funksionale dhe stabilitet”, ka theksuar ai.
Kreu i LDK-së në Suharekë ka kërkuar që kontributi i figurave të rëndësishme të partisë të respektohet dhe të mos zbehet nga reagimet e nxituara.
Ai ka vlerësuar se Kosova duhet të mbetet mbi interesat partiake, duke kërkuar ruajtjen e unitetit, dinjitetit dhe përgjegjësisë politike brenda LDK-së.
“Kosova është e përhershme, ndërsa partitë politike duhet t’i shërbejnë Kosovës. Kjo ka qenë filozofia e LDK-së që nga themelimi i saj dhe kjo duhet të jetë busulla jonë edhe sot”, ka përfunduar ai.
Më shumë lajme
Nga kategori të ndryshme
Lajme
Basha: Raporti policor e përjashton gjendjen e rrugës si shkak të aksidentit tragjik në autostradë
Politike
LDK Suharekë reagon për debatin në Asamble: Po tentohet të shmanget vëmendja nga buxheti dhe raporti i auditimit
Suhareka
Bali Muharremaj fton qytetarët në Karnevalet Golden Eagle 2026 në Suharekë
Ekonomi
Shahini kritikon kufizimin e ATK-së për pagesat kesh mbi dy mijë euro: tregon kush goditet më shumë
Politike
LDK-ja kërkon Presidencën: Abdixhiku ose Haziri
Lajme
Arrestohet punëtori “kanibal” i spitalit, hante trupat e vdekur të njerëzve