Sali Vata, i cili jeton në Gjermani ka thënë se i është pamundësuar që të ushtrojë të drejtën e votës. Ai ka thënë se këto ditë ka qëndruar për pushime në vendlindjen e tij, Suharekë, dhe se në zgjedhjet e 12 tetorit ka votuar përmes postës.
Por, ai e vlerëson të padrejtë që t’i pamundësohet votimi në Kosovë, meqë sipas tij ai është qytetar i këtij vendi. Ai për KosovaPress ka thënë se nuk ka pasur mundësi të ushtrojë të drejtën e votës, meqë i është thënë se nuk i lejohet që një gjë të tillë ta bëjë në Kosovë.
“Unë jam një mërgimtar, jetoj dhe veproj në Gjermani që 32 vjet, kemi aplikuar në rundin e parë të votojmë me postë, kemi votuar me postë. Tash prej të shtunës jam këtu, posta na ka kthyer para balotazhit tek të martën na ka ardhur, pushimin e kam prej të shtunës, këtu tentova të votojë jam në listën e votuesit, më dërguan në shkollën ‘Bajraktari’ të votojë me kusht, shkuan atje, telefonuan, biseduan, jo thanë nuk lejon sistemi të votosh. Kjo është një pakënaqësi ndaj neve mërgimtarëve, jo për mua si qytetar por kur më bëhet mua si qytetar, si mërgimtar. Tash ne si rasti im, e kam pushimin, ta humbi pushimin vetëm pse kam aplikuar me postë, e para. Dhe e dyta, nuk ka justifikim që mund të ketë parregullsi apo votohet dy herë”, ka thënë ai për KosovaPress.
Ai kërkon që të rregullohet një gjë e tillë, meqë konsideron se është e pamundur të manipulohet.
Në Suharekë kanë të drejtë vote mbi 69 mijë qytetarë, ndërkaq mbi tre mijë janë jashtë Kosovës. Gara në Suharekë në këtë balotazh të zgjedhjeve lokale zhvillohet mes Bali Muharremajt të Aleancës për Ardhmërinë e Kosovës dhe Ardian Shalës së Lidhjes Demokratike të Kosovës./Kosovapress/
Më shumë lajme
Nga kategori të ndryshme
Lajme
Policia jep detaje për tragjedinë në Shëngjin: Dy pushues nga Kosova humbën jetën, tre po marrin trajtim mjekësor
Politike
Këto ishin rezultatet e zgjedhjeve parlamentare të 28 dhjetorit 2025 në Komunën e Suharekës
Ekonomi
Shahini kritikon kufizimin e ATK-së për pagesat kesh mbi dy mijë euro: tregon kush goditet më shumë
Politike
Blerim Kuçi prezanton platformën e tij politike, fton qytetarët të njihen me vizionin e tij
Politike
Abdixhiku nga Rahoveci: LDK po vjen me projekte, jo me propagandë
Politike
Bedri Hamza: Gratë janë forca e ndryshimit