Sot ka nisur zyrtarisht fushata zgjedhore për zgjedhjet lokale të 12 tetorit 2025, ndërsa katër kandidatë garojnë për postin e kryetarit të Komunës së Suharekës.
Bali Muharremaj, kandidati i AAK-së, hapi fushatën nga Poligoni Sportiv në qytet, ku para simpatizantëve dhe kandidatëve për Asamblenë Komunale të partisë, theksoi se gjatë tetë viteve qeverisje janë realizuar projekte të rëndësishme në infrastrukturë, shëndetësi, arsim, kulturë dhe sport. Ai premtoi se mandati i ardhshëm do të fokusohet në përmirësimin e mirëqenies së qytetarëve dhe realizimin e projekteve madhore.
Nga sheshi i qytetit, Ardian Shala i LDK-së, prezantoi vizionin e tij për një qeverisje të mirë, duke vënë theksin në zhvillimin ekonomik dhe projektet infrastrukturore. Shala paralajmëroi ndërtimin e teleferikut dhe një linje tramvaji që do ta lidhë qytetin me bjeshkët, si dhe investime të thella në arsim e shëndetësi, me synimin që shkolla “7 Marsi” të bëhet institucion model me mësim të plotë ditor.
Kandidati i LVV-së, Hamdi Bytyqi, e nisi fushatën në Prishtinë, ku Lëvizja Vetëvendosje organizoi tubimin qendror për të gjithë kandidatët e saj nga komuna të ndryshme. Në sheshin “Skënderbeu” u bë edhe prezantimi i tij si pretendent për kryetar të Suharekës.
Ndërkohë, nga kandidati i PDK-së, Dardan Berisha, ende nuk ka pasur një njoftim zyrtar në rrjete sociale lidhur me hapjen e fushatës.
Në këto zgjedhje lokale në Suharekë garojnë gjashtë subjekte politike, ndërsa gara për kryetar zhvillohet mes katër kandidatëve. Ditët në vijim pritet të sjellin premtime e programe konkrete për qytetarët e Suharekës, të cilët më 12 tetor do të vendosin për drejtimin e ardhshëm të komunës./RadioVala
Më shumë lajme
Nga kategori të ndryshme
Lajme
Policia jep detaje për tragjedinë në Shëngjin: Dy pushues nga Kosova humbën jetën, tre po marrin trajtim mjekësor
Politike
Këto ishin rezultatet e zgjedhjeve parlamentare të 28 dhjetorit 2025 në Komunën e Suharekës
Ekonomi
Shahini kritikon kufizimin e ATK-së për pagesat kesh mbi dy mijë euro: tregon kush goditet më shumë
Politike
Blerim Kuçi prezanton platformën e tij politike, fton qytetarët të njihen me vizionin e tij
Politike
Abdixhiku nga Rahoveci: LDK po vjen me projekte, jo me propagandë
Politike
Bedri Hamza: Gratë janë forca e ndryshimit