Presidentja e Kosovës, Vjosa Osmani, pas kthimit nga SHBA-ja dhe disa vizitave të tjera në Evropë, të enjten ka mbajtur një konferencë për media ku ka dhënë sqarime për deklarimet e saj se Trump e ka ndalur një sulm të Serbisë ndaj Kosovës dhe se kjo ngjarje është e kohëve të fundit. Përveç tjerash, ajo është pyetur edhe për bllokadën politike në vend dhe faktin që vendi është pa institucione të reja që nga zgjedhjet e 9 shkurtit 2025.
Osmani ka thënë se si presidente e ka të ndaluar që të negociojë për koalicione të partive politike.
“Nuk është roli i asnjë presidenti të negocioj për koalicione”, ka thënë Osmani.
Duke folur për pyetjet e qytetarëve se pse ajo si presidente nuk po e çon vendin në zgjedhje, Osmani me një buzëqeshje të lehtë, me backgroundin e një juristeje, ka thënë se për një gjë të tillë duhet të plotësohen disa kushte, siç është shpërbërja e Kuvendit apo dështimi për të zgjedhur Qeverinë brenda një afati të caktuar.
Megjithatë ajo ka sqaruar se në rastin e Kosovës ende s’është ardhur në një fazë të tillë, meqë ende s’ka as Kuvend të konstituar.
“Dua ta qartësoj që Kushtetuta nuk më lejon që në këtë fazë Presidentja ta shpërndajë Kuvendin dhe ta çoje vendin në zgjedhje, sepse ka shumë pyetje nga qytetarë se pse presidentja s’po e çon vendin në zgjedhje. Pra duhet të plotësohen disa kriter ligjore që akoma s’janë plotësuar”, ka thënë Osmani.
Ajo ka përmendur edhe afatin 30 ditor të vendosur nga Gjykata Kushtetuese, duke thënë se është e bindur që duhet të ketë pasoja juridike.
Ndërkohë s’ka pranuar që të flasë për vendimin e fundit të Gjykatës Supreme për çështjen e mbajtjes së dy pozitave nga Kurti dhe ministrat të cilët janë zgjedhur deputetë.
© SYRI.net
Më shumë lajme
Nga kategori të ndryshme
Lajme
Policia jep detaje për tragjedinë në Shëngjin: Dy pushues nga Kosova humbën jetën, tre po marrin trajtim mjekësor
Politike
Këto ishin rezultatet e zgjedhjeve parlamentare të 28 dhjetorit 2025 në Komunën e Suharekës
Ekonomi
Shahini kritikon kufizimin e ATK-së për pagesat kesh mbi dy mijë euro: tregon kush goditet më shumë
Politike
Blerim Kuçi prezanton platformën e tij politike, fton qytetarët të njihen me vizionin e tij
Politike
Abdixhiku nga Rahoveci: LDK po vjen me projekte, jo me propagandë
Politike
Bedri Hamza: Gratë janë forca e ndryshimit