Kandidati për kryetar të Drenasit nga subjekti PDKRLL (Për Drenasin Kampion Ramiz Lladrovci), Ramiz Lladrovci, ka deklaruar se është i gatshëm për debat me panelistë në çdo medium televiziv, duke përmendur si përparësi një ballafaqim në VOX Kosova.
Në reagimin e tij, Lladrovci është shprehur se është i hapur për diskutime rreth çështjes së përgjimeve dhe pronës në qendër të Drenasit, duke sqaruar se interesimi i tij ka qenë gjithmonë në kuadër të përgjegjësive ligjore.
“Jam i gatshëm të jap të gjitha sqarimet se kam vepruar në kuadër të përgjegjësive që mi jep ligji, ndërsa gjuha e përdorur, e pranoj, nuk ishte diplomatike,” – ka thënë Lladrovci.
“Asnjë interes personal në pronën e Komunës”
Lladrovci ka potencuar se audioincizimi i publikuar dëshmon se ai ka pasur synim të krijojë kushte më të favorshme për investitorët e mundshëm, duke siguruar përfitim për komunën.
Sipas tij, komuna do të kishte përfituar mbi 27% të sipërfaqes ose mbi 10.000 m², ndërkohë që nuk është thënë apo menduar ndonjë përfitim personal.
“Interesi im si kryetar ka qenë të bëj ngritjen e vlerës së asaj prone, ta bëj sa më atraktive për investitorët potencial, në interes publik, me përfitime për komunën, punësime të reja dhe tatime në mbi 40.000 m² pronë,” ka shtuar ai.
Përplasja me asamblistët e PDK-së
Kryetari aktual i Drenasit tha se kishte synuar të bindë pesë asamblistët e PDK-së (Labinotin, Arigonin, Hamitin, Bekimin dhe Ndriçimin), të cilët sipas tij ishin kundër dhënies së pronës në shfrytëzim.
Megjithatë, Lladrovci theksoi se prona në fjalë nuk ka hyrë në procesin e ofertimit, pasi vendimi do të duhej të miratohej nga Kuvendi i Komunës.
Ftesë për ballafaqim publik
Në fund, ai u bëri thirrje panelistëve e kundërshtarëve politikë që të përballen në debate publike, duke e cilësuar këtë si mënyrën më të mirë për të hedhur poshtë “shantazhin e lidhur ngushtë me fushatën dhe humbjen e pandalshme të oponentëve”.
Më shumë lajme
Nga kategori të ndryshme
Lajme
Policia jep detaje për tragjedinë në Shëngjin: Dy pushues nga Kosova humbën jetën, tre po marrin trajtim mjekësor
Politike
Këto ishin rezultatet e zgjedhjeve parlamentare të 28 dhjetorit 2025 në Komunën e Suharekës
Ekonomi
Shahini kritikon kufizimin e ATK-së për pagesat kesh mbi dy mijë euro: tregon kush goditet më shumë
Politike
Blerim Kuçi prezanton platformën e tij politike, fton qytetarët të njihen me vizionin e tij
Politike
Abdixhiku nga Rahoveci: LDK po vjen me projekte, jo me propagandë
Politike
Bedri Hamza: Gratë janë forca e ndryshimit