Pas katër ditësh nga zhdukja dhe tri ditësh kërkime intensive, është gjetur i pajetë 5-vjeçari shqiptar Tian Rahimi, me prejardhje nga Kumanova. Lajmi i dhimbshëm është konfirmuar për albinfo.ch nga vullnetarët e angazhuar në operacionin e kërkimit përcjell agjencia e lajmeve INA.
Tiani ishte zhdukur të shtunën në lumin Reuss, pranë lokalitetit Muhlau në Zvicër, pas një aksidenti që familja e tij kishte pësuar gjatë lundrimit me një gomone.
Prindërit dhe motra e tij shtatëvjeçare arritën të dilnin në breg duke notuar, ndërsa vogëlushi 5-vjeçar u zhduk në ujërat e lumit dhe që nga ajo ditë po kërkohej intensivisht.
Në operacionin e gjerë të kërkimit u angazhuan patrulla policore, dronë, anije, një helikopter shpëtimi, zjarrfikës dhe zhytës të policisë, të cilët për disa ditë me radhë zhvilluan kërkime të pandërprera.
Fatkeqësisht, përpjekjet për ta gjetur të gjallë përfunduan tragjikisht, ndërsa lajmi për vdekjen e Tianit ka tronditur familjarët, miqtë dhe mbarë komunitetin shqiptar.
Ngushëllime familjes Rahimi për këtë humbje të rëndë.
Më shumë lajme
Nga kategori të ndryshme
Politike
LDK Suharekë reagon për debatin në Asamble: Po tentohet të shmanget vëmendja nga buxheti dhe raporti i auditimit
Lajme
Arrestohet punëtori “kanibal” i spitalit, hante trupat e vdekur të njerëzve
Suhareka
Bali Muharremaj fton qytetarët në Karnevalet Golden Eagle 2026 në Suharekë
Ekonomi
Shahini kritikon kufizimin e ATK-së për pagesat kesh mbi dy mijë euro: tregon kush goditet më shumë
Politike
LDK-ja kërkon Presidencën: Abdixhiku ose Haziri
Politike
Përparim Rama befason me përgjigjen kur pyetet për zhvillimet e fundit në LDK