Vala e të nxehtit në Gjermani ka shkaktuar një incident të pazakontë në autostradën A2, ku sipërfaqja e betonit është çarë në disa segmente.
Sipas raportimeve, ngjarja ndodhi në segmentin mes Ziesar dhe Wollin, në drejtim të Berlinit, ku nxehtësia e lartë bëri që betoni të zgjerohej dhe të ngrihej papritur.
Mbi 20 automjete raportohet se janë dëmtuar, pasi drejtuesit nuk arritën t’i shmangnin deformimet në rrugë. Dëmtime janë shënuar në goma, disqe, parakolpë dhe pjesë të poshtme të veturave.
Dy persona kanë pësuar lëndime të lehta, kryesisht si pasojë e aktivizimit të airbagëve, ndërsa dëmet materiale vlerësohen në rreth 100 mijë euro.
Pas incidentit, autostrada A2 u mbyll në drejtim të Berlinit, duke shkaktuar kolona të gjata. Ekipet e mirëmbajtjes kanë nisur punimet për zëvendësimin e pjesëve të dëmtuara të betonit me asfalt.
Autoritetet kanë njoftuar se probleme të ngjashme nga temperaturat e larta janë regjistruar edhe në segmente të tjera rrugore pranë Berlinit, përfshirë autostradën A10.
A keni parë ndonjëherë diçka të tillë në rrugët e Gjermanisë? Na tregoni në komente.
Burimi: Sinjali
Më shumë lajme
Nga kategori të ndryshme
Botërori 2026
Kroacia në alarm ndaj Ganës: ndeshja vendimtare po luhet tani në Botëror
Austri
Nata vendimtare për Austrinë në Botëror: çfarë i duhet kundër Algjerisë për të kaluar tutje
Diaspora
Nga Kosova në majat e politikës zvicerane: Ylfete Fanaj merr post të lartë në Lucern
Politike
Vuçiq paralajmëron dorëheqjen brenda disa javësh
Kosovë
Kosova kerkon nga Serbia hapjen e arkives se Brigades 37
Shendetesi
Shkencetaret identifikojne baktere te lidhura me sklerozen e shumefishte