Një aksion i gjerë i udhëhequr nga Prokuroria Speciale e Republikës së Kosovës është zhvilluar të mërkurën në mbi 40 lokacione në vend, ku sipas informatave fillestare janë përfshirë edhe lokacione në Komunën e Suharekës.
Operacioni lidhet me hetime për dyshime për kontrabandë me derivate, shmangie të detyrimeve tatimore dhe shpëlarje parash.
Sipas burimeve, gjatë aksionit janë arrestuar disa persona, ndërsa janë sekuestruar para të gatshme, dokumentacione, kompjuterë dhe cisterna që dyshohet se mund të jenë përdorur në veprimtari të kundërligjshme.
Në aksion janë angazhuar Prokuroria Speciale, Policia e Kosovës, njësitë e hetimeve tatimore të Administratës Tatimore të Kosovës dhe hetues të Doganës së Kosovës.
Dyshohet se skema përfshinte importimin e naftës teknike nga kompani në Kosovë, transitimin e saj përmes Shqipërisë dhe shitjen e saj në tregun e zi, ndërsa automjetet më pas ktheheshin në Kosovë me ngarkesa fiktive, me qëllim shmangien e detyrimeve tatimore dhe sigurimin e përfitimeve të kundërligjshme.
Autoritetet ende nuk kanë bërë publike identitetet e personave të ndaluar, numrin e saktë të arrestimeve apo lokacionet e bastisura në Suharekë.
Pritet që Prokuroria Speciale dhe Policia e Kosovës të dalin me detaje shtesë pas përfundimit të operacionit dhe veprimeve hetimore.
Më shumë lajme
Nga kategori të ndryshme
Lajme
55 milionë euro, Saibari lë Kupën e Botës dhe shkon në Mynih për t’u prezantuar te skuadra e re
Moti
25-vjeçari humb jetën pasi goditet nga rrufeja në Delloc të Suharekës
Aktualitet
Këta janë 9 të arrestuarit sot për kontrabandë dhe import të ujit në vend të naftës
Lajme
Aeroplani nga Gjeneva vonon aterimin në Prishtinë, shkak moti i keq
Lajme
Haradinaj mirëpret delegacionin amerikan në Gllogjan: Serwer dhe Marquez nderohen me medalje (Lajmi.net)
Lajme
Reshjet e mëdha të shiut bllokojnë rrugën në magjistralen Ferizaj-Gjilan (RTV 21)