Më 10 tetor 2019 Komuna e Suharekës kishte shpërblyer me hiq më pak se 26,707.60 € kompaninë fituese për asfaltimin e rrugës Peqan-Semetisht.
Më datën 16 nëntor 2019 Drejtori i Shërbimeve Publike në Komunën e Suharekës, Enver Shabani, kishte bërë të ditur se rruga që lidh këto dy fshatra po asfaltohet.
Kanë kaluar më pak se nëntë muaj që nga asfaltimi i kësaj rruge dhe sipas fotove të siguruara nga redaksia tashmë asfalti ka filluar të prishet.
I kontaktuar nga SuharekaOnline, Drejtori i Shërbimeve Publike, Enver Shabani, ka bërë të ditur se janë të njoftuar për prishjet e asfaltit dhe sipas tij kompania fituese ka garantuar për punimet në afat prej 1 viti.
Në rast se kompania nuk e rregullon atëherë i konfiksohet sigurimi i tenderit, ka shtuar Shabani.
Ndërsa i pyetur se cilat mund të jenë shkaqet e krisjes së asfaltit, Enver Shabani, ka thënë se mund të jetë si pasojë e cilësisë së dobët të punimeve, terenit të butë apo edhe peshës së rëndë.
Sipas kontratës të siguruar nga SuharekaOnline figuron që Komuna e Suharekës dhe Operatori Ekonomik kanë nënshkruar që periudha garantuese të jetë 365 ditë dhe shuma e sigurimit të tenderit të jetë 10% e vlerës së kontratës në këtë rast 2,670.76 €.
SuharekaOnline
Më shumë lajme
Nga kategori të ndryshme
Aktualitet
Dalin detaje të reja për vdekjen e 52-vjeçarit në Shirokë – Dyshohet se pësoi sulm kardiak para vetaksidentit
Lajme
Dyshohet se një person ka humbur jetën pas një vetaksidenti në Shirokë të Suharekës
Suharekë
Si u arratis i ndaluari gjatë trajtimit mjekësor në Suharekë?
Suhareka
KEDS njofton për ndërprerje të rrymës në disa zona të Suharekës – 21.07.2026
Diaspora
Mbyllet tuneli zviceran, San Bernardino, kjo është arsyeja
Gjermani
VIDEO | Mërgimtarja befason: “Vetëm pse thashë ‘ja’ në gjermanisht, ma rritën çmimin”