Emrat e rreth 50 anëtarëve të familjes Berisha të vrarë nga forcat paramilitare serbe tashmë janë gravuar në murin që gjendet afër varreve ku edhe pushojnë anëtarët e familjes Berisha.
Memoriali që gjendet disa qindra metra larg nga lokali ku u vranë anëtarët e kësaj familje është në përfundim e sipër, memorial ky që do t’u kujtoj brezave që vijnë, sakrificën e familjes Berisha që dhanë për vendin.
Por ende pa inaguruar punimet nga ana e institucioneve, emrat e anëtarëve të familjes Berisha të gravuar në pllakë kanë filluar të fshihen.
I kontaktuar nga SuharekaOnline kryetari i Komunës së Suharekës, Bali Muharremaj, ka thënë se për situatën e tanishme të paraqitur sipas fotografive tuaja, do të interesohemi si institucione komunale, mirëpo ende nuk është bërë pranimi teknik i punimeve dhe nuk është bërë ende inagurimi për shkak edhe të pandemisë.
Ndër tjera Muharremaj ka treguar se ndërtimi i kompleksit të Memorialit të “Familjes Berisha” në Suharekë, ka qenë nën mbikqyrjen dhe menaxhimin e Agjensisë për Menaxhmin e Komplekseve Memoriale.
SuharekaOnline ka dërguar pyetjet edhe në adresë të Drejtorit të Agjensisë për Menaxhmin e Komplekseve Memoriale, Bislim Zogaj, por deri në momentin e publikimit të lajmit nuk ka marr përgjigje.
21 vjet më parë, forcat serbe, fillimisht kishin shtënë me armë zjarri në drejtim të rreth 50 anëtarëve të familjes Berisha, e më pas viktimat e të plagosurit i kishin bartur në një kafiteri, ku i kishin gjuajtur me bomba, për t’u siguruar se askush s’do të mbijetojë.
E tëra nisi kur te shtëpitë e kësaj familjeje, që nuk gjendet më larg se 100 metra nga stacioni policor i Suharekës, do të shfaqeshin paramilitarët serbë, që disa do t’i vrisnin në pragun e shtëpisë e të tjerët do t’i dëbonin nga shtëpia e tyre, duke i dërguar në lokalin kafiteri, ku edhe do të ndodhte masakra. Nga kjo masakër kanë mbijetuar tre anëtarë të familjes, Vjollca Berisha me të birin, Gramozin dhe Shyhrete Berisha.
SuharekaOnline
Më shumë lajme
Nga kategori të ndryshme
Aktualitet
Dalin detaje të reja për vdekjen e 52-vjeçarit në Shirokë – Dyshohet se pësoi sulm kardiak para vetaksidentit
Lajme
Dyshohet se një person ka humbur jetën pas një vetaksidenti në Shirokë të Suharekës
Suharekë
Si u arratis i ndaluari gjatë trajtimit mjekësor në Suharekë?
Suhareka
KEDS njofton për ndërprerje të rrymës në disa zona të Suharekës – 21.07.2026
Diaspora
Mbyllet tuneli zviceran, San Bernardino, kjo është arsyeja
Gjermani
VIDEO | Mërgimtarja befason: “Vetëm pse thashë ‘ja’ në gjermanisht, ma rritën çmimin”