Katër policë të lënduar gjatë arrestimit të një 45-vjeçari në Samadraxhë të Suharekës

Katër zyrtarë policorë kanë pësuar lëndime të lehta trupore gjatë arrestimit të një personi të dyshuar në fshatin Samadraxhë të Suharekës.

Sipas njoftimit të Policisë së Kosovës, rasti ka ndodhur më 10 mars 2026 rreth orës 08:30, pasi policia kishte pranuar një ankesë nga një qytetar se një person kishte bllokuar rrugën “Ramush Kotori” në këtë fshat.

I dyshuari, B.K., 45 vjeçar nga Samadraxha, dyshohet se kishte vendosur shufra metalike të ngulitura në tokë dhe të lidhura me tel, duke penguar qarkullimin e lirë të banorëve në rrugë.

Pas raportimit, patrullat policore kanë reaguar menjëherë dhe kanë dalë në vendin e ngjarjes. Gjatë ndërhyrjes, i dyshuari dyshohet se ka sulmuar zyrtarët policorë me një armë të ftohtë (thikë).

Policia ka reaguar duke neutralizuar sulmin dhe duke arritur ta arrestojë personin e dyshuar. Gjatë procesit të arrestimit, për shkak të kundërshtimit të dhunshëm nga ana e tij, katër policë kanë pësuar lëndime të lehta trupore, por sipas policisë ato nuk janë shkaktuar nga thika.

I dyshuari është arrestuar dhe është dërguar në Stacionin Policor në Suharekë, ndërsa në konsultim me Prokurorin e Shtetit pritet të ndërmerren veprimet e tjera procedurale në përputhje me Kodin Penal dhe Kodin e Procedurës Penale të Republikës së Kosovës.

Më shumë lajme

Nga kategori të ndryshme

Lajme Policia jep detaje për tragjedinë në Shëngjin: Dy pushues nga Kosova humbën jetën, tre po marrin trajtim mjekësor 03/06/2026 Politike Këto ishin rezultatet e zgjedhjeve parlamentare të 28 dhjetorit 2025 në Komunën e Suharekës 03/06/2026 Ekonomi Shahini kritikon kufizimin e ATK-së për pagesat kesh mbi dy mijë euro: tregon kush  goditet më shumë 01/06/2026 Politike Blerim Kuçi prezanton platformën e tij politike, fton qytetarët të njihen me vizionin e tij 02/06/2026 Politike Abdixhiku nga Rahoveci: LDK po vjen me projekte, jo me propagandë 01/06/2026 Politike Bedri Hamza: Gratë janë forca e ndryshimit 01/06/2026