Një rast i ndershmërisë qytetare është regjistruar në Suharekë, ku një qytetare ka gjetur një shumë parash në tokë dhe i ka dorëzuar menjëherë në polici.
Sipas njoftimit të Policisë së Kosovës, rasti ka ndodhur më 6 mars 2026. Qytetarja me inicialet V.F., nga fshati Peqan i Suharekës, duke kaluar pranë një restoranti në qytet, ka gjetur në tokë 300 euro para të gatshme.
Pas gjetjes së parave, ajo ka vendosur të raportojë rastin dhe rreth orës 20:15 të së njëjtës ditë i ka dorëzuar mjetet financiare në Stacionin Policor në Suharekë.
Policia ka ndërmarrë veprimet e nevojshme për të identifikuar pronarin e parave. Pas verifikimit të kamerave të sigurisë, është identifikuar personi që i kishte humbur ato – një qytetar nga Suhareka.
Paratë e gjetura më pas i janë dorëzuar pronarit në stacionin policor.
Policia e Kosovës ka falënderuar qytetaren për veprimin e saj shembullor dhe ka inkurajuar qytetarët që të ndjekin këtë model të ndershmërisë dhe bashkëpunimit me institucionet.
Po ashtu, Policia ka rikujtuar se marrja e sendit të huaj, edhe nëse gjendet në rrugë apo në ndonjë vend tjetër, përbën vepër penale dhe është e dënueshme sipas Kodit Penal të Republikës së Kosovës.
Më shumë lajme
Nga kategori të ndryshme
Aktualitet
Dalin detaje të reja për vdekjen e 52-vjeçarit në Shirokë – Dyshohet se pësoi sulm kardiak para vetaksidentit
Lajme
Dyshohet se një person ka humbur jetën pas një vetaksidenti në Shirokë të Suharekës
Suharekë
Si u arratis i ndaluari gjatë trajtimit mjekësor në Suharekë?
Suhareka
KEDS njofton për ndërprerje të rrymës në disa zona të Suharekës – 21.07.2026
Diaspora
Mbyllet tuneli zviceran, San Bernardino, kjo është arsyeja
Gjermani
VIDEO | Mërgimtarja befason: “Vetëm pse thashë ‘ja’ në gjermanisht, ma rritën çmimin”