Sipas njoftimit të Policisë së Kosovës, një person i kërkuar nga organet e rendit është dorëzuar në polici për të vuajtur dënimin me burg të shqiptuar nga gjykata.
Policia ka bërë të ditur se më 9 mars 2026, pas një pune intensive të njësitit policor të urdhëresave në Stacionin Policor të Prizrenit, është realizuar urdhër-arresti ndaj të dënuarit M.V., 56 vjeçar nga Samadraxha e Suharekës, me banim në Prizren.
Pas një periudhe kërkimesh për arrestimin e tij, i dënuari është vetëdorëzuar në polici, nga ku më pas është shoqëruar dhe dërguar në Qendrën e Paraburgimit në Hajvali – Prishtinë, për vuajtjen e dënimit.
Sipas policisë, ai ishte në kërkim dhe ishte i dënuar gjithsej me 5 vite e 500 ditë burg efektiv, sipas disa vendimeve të plotfuqishme të Gjykatës Themelore në Prizren, ku në dënim i është llogaritur edhe koha e kaluar në paraburgim dhe arrest shtëpiak.
I dënuari është shpallur fajtor për veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”, sipas nenit 267, paragrafi 2 të Kodit Penal të Republikës së Kosovës.
Më shumë lajme
Nga kategori të ndryshme
Aktualitet
Dalin detaje të reja për vdekjen e 52-vjeçarit në Shirokë – Dyshohet se pësoi sulm kardiak para vetaksidentit
Lajme
Dyshohet se një person ka humbur jetën pas një vetaksidenti në Shirokë të Suharekës
Suharekë
Si u arratis i ndaluari gjatë trajtimit mjekësor në Suharekë?
Suhareka
KEDS njofton për ndërprerje të rrymës në disa zona të Suharekës – 21.07.2026
Diaspora
Mbyllet tuneli zviceran, San Bernardino, kjo është arsyeja
Gjermani
VIDEO | Mërgimtarja befason: “Vetëm pse thashë ‘ja’ në gjermanisht, ma rritën çmimin”