Skandali korruptiv në Ministrinë e Bujqësise, 11 të dyshuarit sot dalin para Gjykatës

Prokuroria e Prishtinës ka kërkuar masën e paraburgimit për 11 personat e arrestuar për keqpërdorim të detyrës zyrtare, marrje ryshfeti, dhënie ryshfeti.

Zëdhënësja e Gjykatës Mirlinda Gashi, për KALLXO.com ka njoftuar se seanca pritet të mbahet sot dhe gjyqtari, i cili do të vendos për masën e paraburgimit është Naser Foniqi.

Dhjetë nga të arrestuarit gjatë ditës së djeshme janë edhe zyrtarë institucional të cilët u arrestuan në disa lokacione të ndryshme.

Prokuroria Themelore në Prishtinë, të enjten, ka paraqitur kërkesë për caktimin e masës së paraburgimit në Gjykatën Themelore në Prishtinë, për personat me inicialet S.Sh., L.S., H.M., B.N., K.Z. dhe A.U., pasi dyshohet se kanë kryer veprat penale “marrja e ryshfetit” dhe “keqpërdorimi i pozitës apo autoritetit zyrtar”.

Kërkesa për paraburgim është bërë edhe për personat me inicialet D.A., P.K., Sh.K., K.B-S., për shkak të dyshimit se të njëjtit kanë kryer veprat penale “dhënie e ryshfetit” dhe “Keqpërdorimi i pozitës apo autoritetit zyrtar”, si dhe për personin me inicialet S.S., për shkak të dyshimit se i njëjti ka kryer veprën penale “Dhënia e ndihmës kryesve pas kryerjes së veprave penale”.

Nga bastisja e realizuar më 24 shkurt 2021, në komunën e Prishtinës, Podujevës, Gjilanit, Istogut e Lipjanit, me aktvendim të Prokurorit të Shtetit, janë ndaluar personat me inicialet S.Sh., L.S., S.S., H.M., B.N., K.Z., A.U., D.A., P.K., Sh.K., K.B-S., ndërsa personi me inicialet A.N., vetëm është shoqëruar në stacionin policor dhe i njëjti është liruar në procedurë të rregullt.

Nga kjo bastisje e realizuar janë konfiskuar: rreth 433,160.00 (katërqind e tridhjetë e tre mijë e njëqind e gjashtëdhjetë) euro, 600 (gjashtëqind) dollar, 200 (dyqind) franga, 275 (dyqind e shtatëdhjetë e pesë) lira turke, 15 (pesëmbëdhjetë) telefona, 8 (tetë) vetura, 1 (një) kompjuter, 5 (pesë) armë, 1 (një) USB dhe 1 (një) vulë.

Më shumë lajme

Nga kategori të ndryshme

Lajme Ekskluzive | Policia mohon arrestimin e shtetasit turk: U paraqit si ankues, pas intervistimit u lirua 24/07/2026 Aktualitet Dalin detaje të reja për vdekjen e 52-vjeçarit në Shirokë – Dyshohet se pësoi sulm kardiak para vetaksidentit 21/07/2026 Suharekë Si u arratis i ndaluari gjatë trajtimit mjekësor në Suharekë? 21/07/2026 Suhareka KEDS njofton për ndërprerje të rrymës në disa zona të Suharekës – 21.07.2026 21/07/2026 Diaspora Mbyllet tuneli zviceran, San Bernardino, kjo është arsyeja 20/07/2026 Gjermani VIDEO | Mërgimtarja befason: “Vetëm pse thashë ‘ja’ në gjermanisht, ma rritën çmimin” 20/07/2026