Thaqi optimist për të marrë pikët e plota në Gjilan

Ballkani nesër do të ketë një udhëtim të vështirë ku pritet të ndeshen me Gjilanin.

Skuadra e drejtuar nga Ismet Munishi synon ta mbajë ritmin e fillimit të edicionit dhe të dal nga Gjilani me pikët e plota. Kështu ka insistuar edhe mbrojtësi i djathë i “xhebsave”, Armend Thaqi në një intervistë për “KOHA” duke theksuar se do të kërkojnë vetëm rezultat pozitiv për të vazhduar me serinë pozitive, raporton GazetaSheshi.

“Na pret një udhëtim shumë i vështirë dhe njëkohësisht një përballje e zjarrtë në Gjilan, por ne jemi të përgatitur mirë dhe të motivuar për të vazhduar me serinë pozitive që e kemi në dy ndeshjet e para, sepse duam ta mbajmë këtë ritëm. Do të luftojmë deri në fund dhe do të japim maksimumin për rezultat pozitiv, gjë që besoj se është e arritshme për ne”, është shprehur Thaqi.

“Është derbi dhe pres të tregojmë një lojë të bukur siç e kemi bërë këtë edicion. Megjithatë nuk do të jetë lehtë për shkak se Gjilani ka një ekip të fortë. Ne do t’i qasemi ndeshjes me mentalitet fituesi, pra për rezultat pozitiv ashtu siç futemi në çdo takim tjetër”.

Ballkani startin në edicionin e ri të Superligës së Kosovës e ka pasur shumë më të mirë se Gjilani, pasi në xhiron e parë e mposhti Besën me rezultatin 4:1, kurse në të dytën fitoi derbin me Feronikelin, 3:2. Ndërsa, Gjilani filloi shumë të dobët, ku në ndeshjen e parë pësoi humbje të thellë në udhëtim nga Feronikeli (4:0). Por fitorja si mysafir ndaj Llapit (1:0) ka dhënë shpresa për një rezultat pozitiv edhe ndaj Ballkanit, në ndeshjen e parë si vendas.

Takimi i kësaj ndeshje do të zhvillohet me këtë të diele me fillim nga ora 13:30 në stadiumin e “Qytetit” në Gjilan dhe do të transmetohet direkt në Klan Kosova.

Më shumë lajme

Nga kategori të ndryshme

Aktualitet Dalin detaje të reja për vdekjen e 52-vjeçarit në Shirokë – Dyshohet se pësoi sulm kardiak para vetaksidentit 21/07/2026 Lajme Dyshohet se një person ka humbur jetën pas një vetaksidenti në Shirokë të Suharekës 21/07/2026 Suharekë Si u arratis i ndaluari gjatë trajtimit mjekësor në Suharekë? 21/07/2026 Suhareka KEDS njofton për ndërprerje të rrymës në disa zona të Suharekës – 21.07.2026 21/07/2026 Diaspora Mbyllet tuneli zviceran, San Bernardino, kjo është arsyeja 20/07/2026 Gjermani VIDEO | Mërgimtarja befason: “Vetëm pse thashë ‘ja’ në gjermanisht, ma rritën çmimin” 20/07/2026