Shefi i grupit të asamblistëve të LDK-së në Suharekë, Urim Suka, ka reaguar pas vendimit të Komunës së Suharekës për lirimin e disa hapësirave publike për parkimin e automjeteve të mërgimtarëve gjatë sezonit veror.
Suka e ka cilësuar këtë vendim si veprim simbolik dhe propagandistik, duke thënë se mërgimtarët dhe qytetarët nuk mund të binden me masa të tilla, derisa në shumë vendbanime të komunës vazhdojnë problemet me ujë të pijshëm, kanalizim dhe infrastrukturë rrugore.
“I njëjti mërgimtar që sipas jush do të përfitojë nga parkimi në oborrin e Komunës, kur shkon në Duhël, Peqan, Nishor, Sllapuzhan, në një pjesë të Bllacës dhe në shumë vendbanime tjera, përballet me mungesë të ujit të pijshëm, probleme me kanalizimin dhe infrastrukturë rrugore të papërfunduar”, ka shkruar Suka.
Ai ka thënë se edhe në vitin 2026, shumë qytetarë në komunën e Suharekës vazhdojnë të përballen me probleme elementare në vendbanimet e tyre.
Sipas Sukës, pushteti komunal po tenton ta paraqesë si sukses lirimin e oborrit të Komunës për parkim, ndërsa, siç thotë ai, problemet kryesore të qytetarëve mbeten të pazgjidhura.
“Nga njëra anë kemi aktakuza për shkelje ligjore, probleme të pazgjidhura me kanalizimin, ujin, trotuaret dhe mungesa të shumta infrastrukturore, ndërsa nga ana tjetër paraqitet si sukses lirimi i oborrit të Komunës për parkim”, ka deklaruar ai.
Suka ka shtuar se kjo nuk është zgjidhje e problemeve të qytetarëve, por vetëm “propagandë e lodhur”, e cila, sipas tij, po kuptohet gjithnjë e më shumë nga qytetarët.
Më shumë lajme
Nga kategori të ndryshme
Këshilla
Mëngjes apo mbrëmje: Kur është më mirë të bëni dush?
Botë
Ambasada e SHBA-së u bën thirrje shqiptarëve: Mos përdorni vizën turistike për të lindur në Amerikë
Showbiz
Kanye West në rajon: Rama thotë se koncerti mund të sjellë miliona euro dhe mijëra vende pune
Diasporë
Nga Kosova në MIT: shqiptarja arrin diplomimin në një nga universitetet më prestigjioze në botë
Sporti
Mbappe shkruan tjetër histori në Botëror: rekord që nuk ishte parë prej dekadash
Sociale
Shkurorëzimet po rriten në Kosovë: komunat ku çiftet po ndahen më së shumti