Ambasada e Shteteve të Bashkuara në Tiranë ka dalë me një paralajmërim për qytetarët shqiptarë lidhur me përdorimin e vizave turistike për lindje në SHBA dhe marrjen e shërbimeve mjekësore që financohen nga programet publike.
Në njoftimin e saj, ambasada sqaron se disa prindër udhëtojnë drejt Shteteve të Bashkuara me vizë turistike me synimin që të sjellin në jetë fëmijën atje, duke shfrytëzuar programin Medicaid për të paguar shpenzimet shëndetësore.
Sipas ambasadës, këto shpenzime rëndojnë mbi taksapaguesit amerikanë, ndërsa personat që përfshihen në një praktikë të tillë rrezikojnë të hasin probleme kur të kërkojnë rinovimin e vizës në të ardhmen.
“Shumë prindër shqiptarë me viza turistike udhëtojnë drejt Shteteve të Bashkuara me qëllim për të lindur atje dhe përdorin programin Medicaid për të mbuluar kujdesin mjekësor. Këto shpenzime u kalojnë taksapaguesve amerikanë, dhe ata prindër mund të mos kenë të drejtë t’i rinovojnë vizat e tyre në të ardhmen”, thuhet në mesazhin e Ambasadës Amerikane.
Autoritetet amerikane e kanë theksuar edhe më parë se viza turistike nuk mund të përdoret për qëllime që bien ndesh me kushtet e saj, ndërsa aplikantët duhet të tregojnë saktë arsyen e udhëtimit dhe të zbatojnë rregullat e emigracionit.
Më shumë lajme
Nga kategori të ndryshme
Lajme
Urim Suka kritikon vendimin për parkingjet për mërgimtarë: Propagandë e lodhur, qytetarët kanë probleme elementare
Këshilla
Mëngjes apo mbrëmje: Kur është më mirë të bëni dush?
Showbiz
Kanye West në rajon: Rama thotë se koncerti mund të sjellë miliona euro dhe mijëra vende pune
Diasporë
Nga Kosova në MIT: shqiptarja arrin diplomimin në një nga universitetet më prestigjioze në botë
Sporti
Mbappe shkruan tjetër histori në Botëror: rekord që nuk ishte parë prej dekadash
Sociale
Shkurorëzimet po rriten në Kosovë: komunat ku çiftet po ndahen më së shumti