Imami i fshatit Zlipotok në Dragash, Gazmend Tahirovci, ka humbur jetën mbrëmjen e kaluar në rrethana që po hetohen nga organet e drejtësisë.
Sekretari i Bashkësisë Islame për rajonin e Gorës, Ajhan Beqiri, ka deklaruar se, sipas informacioneve që kanë, rasti nuk lidhet me angazhimin e të ndjerit si imam.
“E tëra që mund të them është se vrasja e imamit nuk lidhet me punën e tij. Kemi informacione që ky akt i rëndë ka ndodhur për çështje private”, ka thënë Beqiri.
Ai ka shprehur ngushëllime për familjen e Tahirovcit dhe ka kërkuar që institucionet kompetente ta zbardhin sa më shpejt rastin.
“Gazmendi ka qenë imam në zonën tonë dhe jemi të tronditur me humbjen e tij. Urojmë që organet e drejtësisë të kryejnë punën e tyre”, ka shtuar ai.
Ndërkohë, Policia e Kosovës ka njoftuar për arrestimin e dy personave lidhur me rastin. Njëri prej tyre dyshohet për përfshirje në vrasje, ndërsa tjetri për veprën penale “mosdhënie e ndihmës”.
Hetimet për zbardhjen e plotë të ngjarjes janë në vazhdim.
Më shumë lajme
Nga kategori të ndryshme
Suhareka
Rrahje mes babait, djemve dhe xhaxhait në Reçan të Suharekës
Lajme
Alarm fals për bomb në Prishtinë/ Policia bllokon për disa orë stacionin e urbaneve në kryeqytet
Sporti
Lorina largohet nga Klan Kosova: Përfundon angazhimin si moderatore
Suharekë
Ekskluzive | Therje me thikë në Budakovë të Suharekës
Lajme
Kurti: Vullnetit të popullit për anëtarësim, BE-ja duhet t’i përgjigjet me vullnet të ndërsjellë për pranim (Zyrtare)
Lajme
“Më prit se tani do të vij të vras ty dhe familjen tënde”- Rrahje e kërcënim, si ndodhi vrasja në Ferizaj?