Albin Kurti ka reaguar për ndarjen nga jeta të Nexhat Daci, duke e cilësuar këtë humbje si pikëlluese në ditën e parë të vitit 2026.
Nexhat Daci ishte kryetari i parë i Kuvendit të Kosovës pas çlirimit të vendit në vitin 1999. Ai u zgjodh dy herë në këtë detyrë, në periudhat 2000–2004 dhe 2004–2006, duke qenë një nga figurat më aktive të skenës politike kosovare në vitet pas luftës. Si anëtar i Lidhjes Demokratike të Kosovës, Daci ishte deputet i Kuvendit të Kosovës për disa mandate, ndërsa nga viti 2007 themeloi dhe drejtoi partinë Lidhja Demokratike e Dardanisë.
Në cilësinë e anëtarit të Kryesisë së Kuvendit të Kosovës, Nexhat Daci ishte një nga nënshkruesit e Deklaratës së Pavarësisë së Kosovës më 17 shkurt 2008, duke lënë gjurmë të përhershme në procesin e shtetndërtimit të vendit.
Përveç angazhimit politik, Daci kishte edhe një karrierë të shquar akademike. I lindur më 26 korrik 1944 në fshatin Tërnoc të Bujanocit, ai studioi kimi në Universitetin e Beogradit, ku përfundoi magjistraturën në vitin 1968. Në vitin 1973 doktoroi në Universitetin e Zagrebit, ndërsa më pas kreu studime postdoktorale në Universitetin e Bradfordit në Mbretërinë e Bashkuar. Ai ligjëroi për dekada në Universitetin e Prishtinës, ku në vitin 1984 u zgjodh profesor ordinar.
Nexhat Daci ishte anëtar korrespondent i Akademisë së Shkencave dhe Arteve të Kosovës nga viti 1994 dhe anëtar i rregullt nga viti 1996. Ai e drejtoi këtë institucion dy herë, në periudhat 1999–2004 dhe 2018–2019, si dhe ishte autor i shumë punimeve shkencore dhe veprave studimore në fushën e kimisë.
Në reagimin e tij, Albin Kurti u shprehu ngushëllime familjes Daci, kolegëve profesorë dhe akademikë, si dhe bashkëpunëtorëve të tij, duke theksuar se Nexhat Daci do të mbetet një emër i rëndësishëm në historinë institucionale dhe politike të Republikës së Kosovës.
Më shumë lajme
Nga kategori të ndryshme
Lajme
Ekskluzive | Policia mohon arrestimin e shtetasit turk: U paraqit si ankues, pas intervistimit u lirua
Aktualitet
Dalin detaje të reja për vdekjen e 52-vjeçarit në Shirokë – Dyshohet se pësoi sulm kardiak para vetaksidentit
Suharekë
Si u arratis i ndaluari gjatë trajtimit mjekësor në Suharekë?
Suhareka
KEDS njofton për ndërprerje të rrymës në disa zona të Suharekës – 21.07.2026
Diaspora
Mbyllet tuneli zviceran, San Bernardino, kjo është arsyeja
Gjermani
VIDEO | Mërgimtarja befason: “Vetëm pse thashë ‘ja’ në gjermanisht, ma rritën çmimin”