Aleanca zgjedh Ardian Gjinin kryetar të ri, Haradinaj emërohet Kryetar Nderi

Kryetari i ri i Aleancës është zgjedhur Ardian Gjini, pas votimit të zhvilluar në kuadër të punimeve të Kuvendit të X-të Zgjedhor të partisë.

Sipas komunikatës së Aleancës, pas përmbylljes së pjesës solemne të Kuvendit, delegatët votuan për zgjedhjen e kryetarit të ri të partisë, ku nga 461 delegatë sa morën pjesë në procesin zgjedhor, 453 votuan për Gjinin, 2 kundër, 1 abstenoi, ndërsa 5 vota rezultuan të pavlefshme.

Në vijim të punimeve, delegatët aprovuan edhe ndryshimet statutare, përfshirë ndryshimin e emrit të partisë nga “Aleanca për Ardhmërinë e Kosovës” në “Aleanca”.

Po ashtu, Kuvendi zgjodhi edhe Kryetarin e Nderit të partisë, ku këtë post do ta mbajë Ramush Haradinaj, si dhe u miratua përbërja e Këshillit të Nderit.

Delegatët zgjodhën gjithashtu edhe Këshillin e Përgjithshëm me 106 anëtarë. Sipas komunikatës, kësaj përbërjeje do t’i shtohet edhe Kryesia e re pas konstituimit, si dhe tre përfaqësues nga diaspora që kanë marrë më së shumti vota në Kuvend.

Aleanca njoftoi se me këtë Kuvend është përmbyllur me sukses procesi i brendshëm zgjedhor, i nisur më 12 shkurt, duke e cilësuar atë si dëshmi të organizimit, unitetit dhe përkushtimit të strukturave të partisë në çdo nivel.

Në fund, Aleanca falënderoi strukturat, delegatët dhe anëtarët për kontributin e dhënë gjatë procesit, duke uruar suksese për kryetarin e ri, Ardian Gjini, dhe të gjithë të zgjedhurit në përgjegjësitë e reja, në funksion të forcimit të Aleancës dhe angazhimit për Kosovën.

Më shumë lajme

Nga kategori të ndryshme

Lajme Ekskluzive | Policia mohon arrestimin e shtetasit turk: U paraqit si ankues, pas intervistimit u lirua 24/07/2026 Aktualitet Dalin detaje të reja për vdekjen e 52-vjeçarit në Shirokë – Dyshohet se pësoi sulm kardiak para vetaksidentit 21/07/2026 Suharekë Si u arratis i ndaluari gjatë trajtimit mjekësor në Suharekë? 21/07/2026 Suhareka KEDS njofton për ndërprerje të rrymës në disa zona të Suharekës – 21.07.2026 21/07/2026 Diaspora Mbyllet tuneli zviceran, San Bernardino, kjo është arsyeja 20/07/2026 Gjermani VIDEO | Mërgimtarja befason: “Vetëm pse thashë ‘ja’ në gjermanisht, ma rritën çmimin” 20/07/2026