Një grua nga Suhareka, në emisionin “N’Frekuencë me Robin” ka rrëfyer se si bashkëshorti i saj, ka ushtruar dhunë ndaj saj dhe djalit 8 vjeçar.
Në emisionin live, Lumnie Karaxha ishte kyçur edhe me kamerë dhe u shfaq duke qajtur. Ajo ka rrëfyer se ajo është ndarë prej burrit, pasi ky i fundit ka tentuar ta mbys djalin e saj, duke shtuar se e kishte zënë duke e kapur për fyti.
“Jam Lumnie Karaxha nga Suhareka, vlla unë jam nda prej burrit, kam pasur dhunë në familje, djalin u kanë tu ma mytë burri, kur kam hy në dhomë e kam pa që e ka kap për fyti. Kamën ende e ka në zavoja që na ka kap me dhunë më na shti në kerr”- ka thënë ajo në një telefonatë në emisionin “N’frekuencë me Robin” që transmetohet në ATV, shkruan Insajderi.
Zonja Lumnie shton se bashkëshorti i saj edhe e ka kërcënuar, duke i thënë se nëse nuk ia heq akuzën do ta vret.
“Nëse nuk ma heq akuzën ka kërcnu që kom me ta vra ja nanën, ja djalin. Me zor t’u na shti në kerr, t’u na kap për fyti, deshta me t’u lutën dikush të na ndihmon. Jam t’u jetu me qira në Suharekë e kam një djalë, shteti nuk po merr asgja parasysh, pasi të gjitha kërkesat po më refuzohen” – tha ajo.
Ajo ka shpjeguar se fillimisht kishte qënë e martuar më një burrë tjetër, pastaj pa dëshirën e familjes është martuar me burrin që tash po ushtron dhunë në të.
Tutje, Karaxha thekson se tash e 9 vite nuk flet me familjarët e saj.
“Me burrin e parë nuk më ka shkuar martesa kurse kur jam martuar me burrin e dytë kam ik dhe vëllaznitë nuk më flasin qe 9 vite”.
Derisa, ajo poashtu shtoi se ka kërkuar ndihmë nga kryetari i Suharekës, por nuk ka marrë përgjigje pozitive nga të njëjtit.
“Kam lyp ndihmë prej kryetarit të Suharekës diçka me më ndihmuae por ma kanë refuzuar letrën. Edhe në polici kam shkuar, e kanë majtë një mujë veç në paraburgim, tash është në burg shtëpiak” – përfundoi ajo.