Instituti Kombëtar i Shëndetësisë Publike të Kosovës ka bërë thirrje për kujdes nga temperaturat e ngritura që pritet ta përfshijnë vendin gjatë kësaj fundjave.
Bazuar në parashikimet e Institutit Hidrometeorologjik të Kosovës, në Kosovë priten temperatura të larta, të cilat kategorizohen si valë e të nxehtit me intensitet mesatar.
IKSHPK rikujton se temperaturat e ngritura mund të ndikojnë në shëndetin e njeriut, prandaj masat mbrojtëse janë të nevojshme për secilin qytetar.
Vëmendje e veçantë kërkohet për grupet më të ndjeshme të popullatës, si fëmijët e vegjël, gratë shtatzëna, personat me sëmundje kronike dhe të moshuarit.
Sipas rekomandimeve, qytetarët duhet të qëndrojnë sa më larg të nxehtit, ta mbajnë shtëpinë të freskët, ta freskojnë trupin dhe të konsumojnë ujë rregullisht.
Po ashtu, IKSHPK bën thirrje që të mbrohen veçanërisht foshnjat dhe fëmijët nga ekspozimi i gjatë në temperatura të larta.
Këshillat kryesore janë:
- Qëndroni larg të nxehtit gjatë orëve më të nxehta të ditës.
- Mbajeni shtëpinë sa më të freskët.
- Pini ujë dhe shmangni dehidratimin.
- Mbroni fëmijët, të moshuarit dhe personat me probleme shëndetësore.
Shpërndajeni këtë njoftim që këshillat të arrijnë te sa më shumë qytetarë.
Burimi: Instituti Kombëtar i Shëndetësisë Publike të Kosovës (IKSHPK)
Më shumë lajme
Nga kategori të ndryshme
Diaspora
Nga Prizreni në Vjenë: Dr. Mefail Muji hap ordinancën e tij pulmologjike në Austri
Aktualitet
Vetaksident në sheshin e Suharekës pas natës së parë të Karnavalit Golden Eagle
Suhareka
Guri i Dellocit dhe Bjeshka e Bukoshit, pasuria malore e Suharekës që pret më shumë vëmendje
Sporti
Uta Ibrahimi në krye të një ekspedite të veçantë në Himalaje
Kulturë
Kori “Okarina” çon zërin e Kosovës në skenat e Gjermanisë
Ekonomi
20 vjet Vali Ranch: nga investim i diasporës në destinacion turistik në Kosovë