Sinjali ka mësuar identitetin e shoferit që dyshohet se shkaktoi aksidentin tragjik në orët e para të mëngjesit në Pikën e Kalimit Kufitar në Vermicë, ku humbi jetën një zyrtar policor gjatë kryerjes së detyrës.
Burimet e Sinjalit bëjnë të ditur se i dyshuari është Dardan Demaj rreth 28 vjeç, i cili me urdhër të Prokurorit të Shtetit është ndaluar për 48 orë.
Sipas informatave që ka siguruar Sinjali, aksidenti ka ndodhur rreth orës 02:30, kur Dardan Demaj, duke drejtuar një Porsche Cayenne, po lëvizte në autostradën “Ibrahim Rugova” në drejtim të Pikës Kufitare Vermicë.
Dyshohet se, si pasojë e mospërshtatjes së shpejtësisë me kushtet dhe rrethanat e rrugës, ai ka goditur zyrtarin policor Rexhep Gashi rreth 60 vjeç, i cili ishte në patrullim në këmbë dhe po kalonte rrugën.
Përplasja rezultoi fatale, ndërsa vdekja e policit u konfirmua në vendin e ngjarjes nga ekipi emergjent.
Në vendin e ngjarjes kanë dalë Prokurori kujdestar, drejtues të Policisë së Kosovës dhe njësitë kompetente hetimore, të cilat kanë kryer ekzaminimet e nevojshme.
Me urdhër të Prokurorit, trupi i pajetë i zyrtarit policor është dërguar në Institutin e Mjekësisë Ligjore për obduksion, ndërsa hetimet për rastin janë në vazhdim.
Shënim: Personat e përmendur në këtë artikull prezumohen të pafajshëm derisa fajësia e tyre të vërtetohet me vendim të formës së prerë nga gjykata.
Më shumë lajme
Nga kategori të ndryshme
Politike
Kurti pret Daniel Serwerin, ja çfarë diskutuan
Rajon
Pas tri orësh kërkime në det, gruaja e gjen burrin në kafe në Shëngjin
Diasporë
“Mjekët shqiptarë mbajnë spitalet gjermane” – vendësit nuk janë mësuar me temperaturat e larta
Diaspora
Ndryshime në çmimet e rrymës në Zvicër
Aktualitet
Karnavalet vitin tjetër në Prishtinë? Deklarata e Shaqir Palushit hap debat në Suharekë
Suhareka
Çfarë po paralajmëron Bali Muharremaj? “Vera me mërgimtarët do të mbetet e paharrume”