Çmimet e energjisë elektrike në Zvicër pritet të shënojnë ulje edhe gjatë vitit 2027, me rënie që për disa kategori konsumatorësh mund të arrijë deri në 7 për qind.
Sipas një ankete të Shoqatës së Kompanive Zvicerane të Energjisë Elektrike, tarifat për amvisëri pritet të bien mesatarisht nga 3 deri në 6 për qind, ndërsa për bizneset ulja mund të jetë nga 4 deri në 7 për qind.
Në anketë kanë marrë pjesë 75 furnizues të energjisë, ndërsa 35 prej tyre kanë dhënë vlerësime konkrete për tarifat e vitit të ardhshëm.
Shoqata ka vlerësuar se, pavarësisht tensioneve gjeopolitike dhe lëvizjeve në tregjet ndërkombëtare, ndikimi në tarifat e konsumatorëve zviceranë deri më tani ka qenë i kufizuar.
Kjo lidhet me strategjitë afatgjata të furnizimit me energji, pasi një numër më i madh i kompanive kanë siguruar energjinë elektrike në treg dy deri në tre vjet përpara.
Rënia e çmimeve në tregjet me shumicë të energjisë elektrike po ashtu pritet të ndikojë pozitivisht në tarifat që qytetarët dhe bizneset do të paguajnë gjatë vitit 2027.
Rreth 580 furnizues të shërbimit bazë në Zvicër duhet t’i caktojnë tarifat përfundimtare për vitin 2027 deri në fund të gushtit, ndërsa Komisioni Federal i Energjisë Elektrike pritet t’i publikojë ato në fillim të shtatorit.
Më shumë lajme
Nga kategori të ndryshme
Politike
Kurti pret Daniel Serwerin, ja çfarë diskutuan
Rajon
Pas tri orësh kërkime në det, gruaja e gjen burrin në kafe në Shëngjin
Diasporë
“Mjekët shqiptarë mbajnë spitalet gjermane” – vendësit nuk janë mësuar me temperaturat e larta
Aktualitet
Karnavalet vitin tjetër në Prishtinë? Deklarata e Shaqir Palushit hap debat në Suharekë
Suhareka
Çfarë po paralajmëron Bali Muharremaj? “Vera me mërgimtarët do të mbetet e paharrume”
Futboll
Zyrtare: Almir Kryeziu vishet kuqezi