Gjermania po përballet me një valë të fortë të të nxehtit, ndërsa temperaturat kanë arritur nivele rekord për muajin qershor.
Sipas raportimit të Sinjalit, pranë qytetit Saarbrücken, afër kufirit me Francën, është regjistruar një temperaturë prej 41.3 gradë Celsius. Matja është raportuar nga Shërbimi Kombëtar Meteorologjik i Gjermanisë si rekord i ri, me të dhënat fillestare që pritet të verifikohen.
Paralajmërime për nxehtësi ekstreme janë lëshuar pothuajse në gjithë Gjermaninë, ndërsa autoritetet kanë kërkuar nga qytetarët që të tregojnë kujdes dhe ta përdorin ujin me kursim.
Vala e nxehtësisë ka shkaktuar shqetësime edhe në transport, energji dhe aktivitete publike. Në disa zona të Evropës janë raportuar ndërprerje në transportin hekurudhor, shtyrje të aktiviteteve në natyrë dhe masa shtesë për mbrojtjen e qytetarëve.
Ekspertët paralajmërojnë se temperaturat shumë të larta mund të jenë veçanërisht të rrezikshme për fëmijët, të moshuarit dhe personat me sëmundje kronike.
Çfarë duhet të bëjnë qytetarët?
- Të shmangin ekspozimin në diell gjatë orëve më të nxehta.
- Të pinë ujë rregullisht, edhe kur nuk ndiejnë etje.
- Të mos lënë fëmijë, të moshuar apo kafshë në automjete të mbyllura.
- Të ndjekin njoftimet lokale për transportin dhe aktivitetet në natyrë.
Shpërndaje këtë njoftim me familjarët në Gjermani që të jenë të kujdesshëm gjatë këtyre ditëve.
Burimi: Sinjali
Më shumë lajme
Nga kategori të ndryshme
Politike
Kurti pret Daniel Serwerin, ja çfarë diskutuan
Rajon
Pas tri orësh kërkime në det, gruaja e gjen burrin në kafe në Shëngjin
Diasporë
“Mjekët shqiptarë mbajnë spitalet gjermane” – vendësit nuk janë mësuar me temperaturat e larta
Diaspora
Ndryshime në çmimet e rrymës në Zvicër
Aktualitet
Karnavalet vitin tjetër në Prishtinë? Deklarata e Shaqir Palushit hap debat në Suharekë
Suhareka
Çfarë po paralajmëron Bali Muharremaj? “Vera me mërgimtarët do të mbetet e paharrume”