Një ngjarje që ka mundur të përfundojë me pasoja fatale ka ndodhur pasditen e së shtunës në Prizren. Policia e Kosovës ka ndërhyrë me urgjencë për të shpëtuar disa fëmijë, të cilët ishin lënë të mbyllur brenda një veture në parkingun e një qendre tregtare, nën temperatura ekstremisht të larta.
Rasti ka ndodhur më 27 qershor 2026, rreth orës 17:50, kur autoritetet pranuan informacionin se fëmijët ndodheshin brenda mjetit të parkuar dhe shfaqnin shenja të forta rraskapitjeje nga i nxehti.
Me të arritur në vendngjarje, zyrtarët policorë u detyruan të përdorin një shufër metalike për të hapur me forcë automjetin. Sipas raportit, fëmijët u gjetën të lodhur dhe të dehidratuar si pasojë e nxehtësisë mbytëse brenda veturës.
Gjatë kohës që po zhvillohej ndërhyrja, në vendngjarje ka arritur edhe e ëma e fëmijëve. Për shkak të papërgjegjshmërisë dhe mungesës së mbikëqyrjes, policia i ka shqiptuar asaj një gjobë prej 300 eurosh, bazuar në kundërvajtjen “Moskujdes ndaj të miturit”.
Duke marrë parasysh se jemi në stinën e verës dhe temperaturat janë shumë të larta, Policia e Kosovës ka lëshuar një thirrje urgjente për të gjithë qytetarët.
“Policia apelon për kujdes të shtuar, sidomos ndaj fëmijëve, të moshuarve dhe personave të sëmurë. Në asnjë rast nuk duhet të lihen fëmijët të mbyllur në automjet, pasi pasojat mund të jenë fatale”, thuhet në komunikatën e policisë.
Më shumë lajme
Nga kategori të ndryshme
Lajme
55 milionë euro, Saibari lë Kupën e Botës dhe shkon në Mynih për t’u prezantuar te skuadra e re
Moti
25-vjeçari humb jetën pasi goditet nga rrufeja në Delloc të Suharekës
Aktualitet
Këta janë 9 të arrestuarit sot për kontrabandë dhe import të ujit në vend të naftës
Drejtësi
Aksion në mbi 40 lokacione, bastisje edhe në Suharekë për dyshime për kontrabandë me derivate
Lajme
Aeroplani nga Gjeneva vonon aterimin në Prishtinë, shkak moti i keq
Lajme
Haradinaj mirëpret delegacionin amerikan në Gllogjan: Serwer dhe Marquez nderohen me medalje (Lajmi.net)